Itsaslabarretako sekretua

Descripción

—-URTALIRRAREN 13AN SALGAI —-
Prebenta-bidalketak abenduaren 9tik aurrera

Estalki biguna 180 × 120

Ekaitz lainoak ageri dira kostako ortzimugan. Enbata usaina, itsaslabarrean. Bidaiariek eta buhameek esaten dutenez, sorginduta dago Arlet herrixka. Azkenaldian, jende asko ari da desagertzen arrantzaleen herri txiki horretan, eta Orekaren Elizak Saissa sorgin-ehiztaria bidali du bertara, ikerketa egin eta misterioa argitu dezan. Baina dena ez da dirudiena. Herritarren arteko sekretu eta beldurrak, antzinako okerrekin eta profezia are zaharragoekin nahasten dira.
Eta… istorio honen protagonista zu izango bazina? Saissa izango bazina?
Hartu dadoa eta murgildu abenturan.

Itsaslabarretako sekretua

Istorio honetan, Saissa sorgin-ehiztaria izango zara. Bidaiariek eta buhameek esaten dutenez, sorginduta dago Arlet herrixka. Azkenaldian, jende asko ari da desagertzen arrantzaleen herri txiki horretan, eta Orekaren Elizak Saissa sorgin-ehiztaria bidali du bertara, ikerketa egin eta misterioa argitu dezan, eta horretarako, eskura dituzun baliabide guztiak erabili beharko dituzu.

Liburu-jokoa. Liburu hau ez da orain arte irakurri dituzun liburuak bezalakoa. Hemen, misterio ilun eta korapilatsu baten protagonista izango zara, eta hartzen dituzun erabakien araberakoak izango dira istorioaren bilakaera eta amaiera.

Ilgorako istorioek ez dute zerikusirik zaldunen eta printzesen kondairekin. Magiak usteldu egiten ditu gorputza eta arima. Jainkoek euren interesak bakarrik babesten dituzte, eta agintari gehienak sasikume gupidagabeak dira. Gainera, azken mendeetan profezia ilunetan bakarrik aipatzen zen ilargi bat azaldu da zeruan. Distira gorria du eta ilgoran egoten da beti.

Informazio gehiago: https://sugaareditorial.com/itsaslabarretako-sekretua/